Pasaden Urtarrilaren 22an, Baratzezain eta hazi-landare ekoizleen taldea Lekornen bildu zen. Garro etxaldearen bisita egin ondoren, Herriko etxeak utzitako gelan pick-nick baten inguruan bazkaldu genuen.
36 bat pertsona bildu ginen, probintzia ia guztietatik (Nafartarren presentzia faltan bota genuen…). Eskerrik asko! Askok 2 orduko bidea egin zuten, eguraldi hotz eta euritxua izan genuelarik..
Beste lan taldeekin bezala, 4 azpi taldeetan banatu ginen, talde bakoitzak honako gai hauek landu zituelarik:
– Europako araudia aztertzea eta ekarpenak egitea
– Gure etxalde agroekologiko ideala zein izango litzatekeen laburbiltzea
– Arlo sozialean zer eskatuko genukeen jasotzea
– Bertakotasuna, zer den eta ze baldintzak bete beharko ziren jasotzea.
Lan taldeak lanean dihardu eta datorren bilera Otsailaren 5ean izango da, Gipuzkoako Itziar herrian (Ikusi Blog honetan egiten den deialdia)
